Россиялик сиёсатчи Владимир Жириновски фигурали учиш бўйича икки карра Олимпиада чемпиони Евгений Плюшенкони кескин танқид қилди. Хабарингиз бор, Плюшенко кеча индивидуал баҳсларда жароҳати сабаб қатнаша олмади. Сиёсатчининг фикрича спортчиларга икки мартадан ортиқ Олимпиадада қатнашиш имконини бермаслик керак.

«Қонунга ўзгартириш керак, тамом! Ҳеч қанақа учта ёки тўрта Олимпиада ҳақида гап бўлиши мумкин эмас. Иккита Олимпиадада қатнаш ва дамингни ол. Бундан ташқари мусобақадан олин тиббий кўрикдан ўтиш керак. Бор, билганларингни ёшларга ўргат. Масалан, менинг белимда жароҳатим бор ва эҳтиёт бўлиб юраман»,- дейди Жириновски.

Таъкидлаш жоизки, Плюшенко Олимпиада ўйинларидан олдин белидан жиддий жароҳат олган ва ҳаттоки унга бироз вақт юрмаслик ҳа маслаҳат берилган эди. Шундай бўлишига қарамай, Женя жамоавий баҳсларда ажойиб қатнашиб Россиянинг олтин медал олишига муносиб ҳисса қўшди. Бундан ташқари Плюшенко тўртта Олимпиадада қатнашган ва барчасида медал қўлга киритган.

Жириновскининг қўшимча қилишича, Плюшенконинг ўрнига ёш Максим Ковтунга имконият берилиши керак эди. Плюшенконинг мусобақани тарк этишига унинг мураббийи ва аёли ҳам сиёсатчи томонидан айбдор деб ҳисобланган.