«Барселона» ҳужумчиси Лионель Месси жамоанинг собиқ мураббийи Анхел Каппанинг у ҳақида айтган гапларига изоҳ билдирди. Хабарингиз бор, собиқ мураббий Мессининг футболдан зерикканини айтган эди.
«Мартино келганидан кейин мен бошқача ўйнаяпман демаган бўлардим. Майдондаги ўрним ҳам ўша. Мен Гвардиола бўлганида ҳам шундай ўйнаганман. Майдонда жой талашмайман.
Каппанинг танқидига келадиган бўлсам, тўғриси у мени хавотирга солмайди. Ҳозир ўз устимда ишлаяпман ва жароҳатдан кейин спорт формамни тиклашга уриняпман. Кам гол ураётганим рост, лекин ёмон ўйнаяпман деб айта олмайман»,- дейди Месси.