Осиё Чемпионлар лигасининг саралаш босқич учрашувларига якун ясалди.
Қатарнинг “Ал-Жаиш” клуби плей-оффда муввақиятли иштирок этиб, “Бунёдкор” жамоаси жой олган “В” квартетини тўлдирди. Қатарликлар аввалига Қаршининг “Насаф” жамоасини йирик – 5:1 ҳисобида мағлубиятга учратишди. Сўнгги босқичда эса Қувайтнинг “Ал-Қодисия” жамоаси дарвозасига жавобсиз учта тўп киритишди. Нилмар (36), Мунтари (64) ва Жеедо (86) томонидан киритилган голлар “Ал-Жаиш”га гуруҳ босқичи йўлланмасини тақдим қилди.
Шу тариқа, Осиё Чемпионлар лигаси “В” гуруҳи тўлиқ кўринишга келди. Унда кўра, Саудия Арабистони чемпиони “Ал-Фатеҳ”, Эрон чемпионатида тўртинчи поғонани банд этган “Фулад”, Қатар юлдузлар лигаси бронза медаллари соҳиби “Ал-Жаиш” ва Ўзбекистон чемпиони “Бунёдкор” жамоалари ўзаро куч синашишади.
