«Ливерпуль» сардори Стивен Жеррард Англия кубогининг чорак финалидан ўрин олган «Арсенал»га қарши ўйин ҳақида фикр билдирар экан ўйинни бошқарган Ҳовард Уэббдаб норози эканини маълум қилди.

«Менимча, ўша вазиятда Чемберлен Суаресга қарши қоида бузган ва бу 100 фоизли пенальти эди. Ҳаттоки бу вазият ҳакам пенальти белгилаган вазиятдан ҳам кескинроқ эди. Бунинг устига ҳакам ҳаммасини кўриб турганди.

Ҳовард Уэбб – жаҳон даражасидаги ҳакам. Менимча, у қоида бузилмади деб ўйлади, лекин бу қарор мени ажаблантирди»,- дейди футболчи.

Эслатиб ўтамиз, ўйинда «Арсенал» 2:1 ҳисобида ғалаба қозонган ва «Ливерпуль»нинг ягона голини Жеррард пенальтидан киритган эди.