"Барселона" собиқ яримҳимоячиси, айни пайтда "Манчестер Сити" аъзоси ҳисобланган Яя Туре Каталония клубига қарши ЕЧЛ нимчорак финали ҳақида фикр билдирди.
"Бу жуда қийин. Мен ростдан ҳам "Барселона"га қарши ўйнашни истамайман. Бу клубни жуда ҳурмат қиламан. У менга кўп нарса берган, қолаверса кўп ёрдами теккан дўстларим у ерда ўйнашади...
Энди эса ўша йигитларга қарши "Камп Ноу"да ўйнашимга тўғри келяпти. Ҳа, ўша мен ўйнашни доим орзу қилган аренада. Мана бу ерга келдим, аммо умуман бошқача футболкадаман... Мени қўллаб-қувватлаган ва ҳурмат қилган мухлислар олдида ўйнашни жуда-жуда истардим. Аммо бундай эмас...
Буюк клубларнинг буюк тўқнашуви бизни кутмоқда. Биз ўз мухлисларимизга тўғри йўлдан кетаётганимизни кўрсатишимиз керак", - дейди ивуарлик футболчи.