«Барселона» футболчиси Хавьер Маскерано 2010 йилда «Ливерпуль»дан нима сабабдан кетганини изоҳлади.
«Ливерпуль» – буюк жамоа. У ҳақда ёмон гапришга ҳеч кимнинг ҳаққи йўқ. Балки мен у ердан кетиб хато қилгандирман, лекин мен афсусланмайман. Мен «Ливерпуль»дан бошқача кетмоқчи эдим.
Ўшанда мен мавсумолди тайёргарликдан қайтдим ва клуб менга кўп нарсаларни ваъда қилди, лекин улар сўзларида туришмади. Мураббийнинг фикрича мен «Сити»га қарши ўйинда майдонга тушмаслик учун «Арсенал» билан ўйинда атайин жароҳат олганман. Бунда ҳеч қандай мантиқ йўқ.
Ахир менинг «Барселона»га ўтишим деярли аниқ эди. Шундай экан қандай қилиб атайин жароҳат олишим мумкин»,- дейди Маскерано.