Аввал хабар қилиб ўтганимиздек, кеча “Андижон” “Қизилқум”га қарши назорат учрашувини ўтказди. Бу ўйинда андижонликлар навоийликларга 0:1 ҳисобида имкониятни бой берди.

Учрашувда “Андижон” қуйидаги  таркибда ҳаракат қилди: М.Худоёров, Т.Султонов, Д.Турсунов, А.Раҳмонов, А.Касьян, А.Тўхтасинов, Ш.Шаймонов, Б.Ғозиев, И.Отахонов, А.Жўрабоев, Н.Астраускас.
Захирадан майдонга тушганлар: А.Рисқуллаев, А.Жумабоев, А.Қаюмов, Л.Солиев.

Ушбу ўйиндан олдин “Андижон” жамоаси сафига ҳимоячи Аҳрол Рисқуллаев қўшилди. Бундан аввал Рисқуллаев “Навбаҳор”нинг йиғинларида иштирок этаётганди. Агар ҳимоячи машғулотларда ўзини кўрсатса олиб қолинади.

Эслатиб ўтамиз, Рисқуллаев фаолияти давомида “Трактор”, “Пахтакор”, “Қизилқум”, “Навбаҳор” ва “Динамо” жамоаларида тўп сурган.

Литвалик ҳимоячи Гедеминас Паулаускас юртига қайтиб кетди. Чунки у кўрикдан ўта олмади.

Бугун жамоа “Нефтчи” ўринбосарларига қарши майдонга тушади. Ана шу ўйиндан сўнг “Андижон”нинг Тошкентдаги иккинчи йиғини ниҳоясига етади.