"Барселона" ҳужумчиси Неймар отаси ҳақида айтган сўзлари учун собиқ клубининг собиқ раҳбарини танқид қилди.
"Мен мутлақо чегарадан чиқиб кетган вазият ҳақида гапирмоқчиман. Мана энди нега акам Гансонинг "Сантос"дан кетганини тушуняпман. У клубни севмагани ёки унда ўйнашни истамагани учун эмас. Барчасига директорлар кенгаши айбдор.
Мен ҳар доим уларга ҳурмат билан муносабатда бўлиб келдим ва ўзимни профессионалларча тутдим. Собиқ президент Луис Альваро де Оливейра ва ҳозир унинг ўрнида ишлаётган Одилио Родригеслардан кўнглим қолди. Энг биринчи навбатда отам ҳақида айтган сўзлари учун.
Умуман олганда, баъзи одамларнинг хатоларини деб "Сантос"га бўлган муҳаббатим сўнмайди", - дейди Неймар.