УЕФА "Манчестер Сити" бош мураббийи Мануэль Пеллегринининг ЕЧЛ доирасидаги "Барселона"га қарши учрашувидан сўнг ҳакам Юнас Эрикссон ҳақида айтганлари юзасидан текшириш ишлари бошлади. Бу ҳақда Sky Sports хабар бермоқда.
Эслатиб ўтамиз, Пеллегрини Эрикссонни жиддий танқид остига олган, жумладан уни "шаҳарликлар" дарвозаси томон хато пенальти белгилаганликда айблаганди. Шунингдек, Пеллегринининг таъбирича, "Сити" ҳимоячиси Мартин Демичелиснинг майдондан четлатилиши ҳам адолатдан бўлмаган. Шуларни таъкидлаган ҳолда бундай муҳим учрашувга "келиб-келиб" швед ҳакамларини тайинлаган УЕФАга ҳам шаъма қилган Пеллегрини ушбу сўзлари учун жарима тўлаши мумкин.