Сочи Олимпиадасида биатлончи қизлар мусобақаларни якунлашди. Охирги медаллар комплекти 6 км.дан тўртталик эстафетада ўйналди. Мусобақа жуда кескин баҳсларга бой бўлди. Биринчи босқичдаёқ Франция терма жамоаси иштикорчиси йиқилиб тушди ва ғолиблик учун даъвогарлардан бири сафдан чиқди.
Охир оқибат Украина терма жамоаси катта фарқ билан олтин медални қўлга киритди. Ольга Вилухина тўртинчи босқичда ажойиб ҳаракат қилди ва мезбонларга кумуш медални келтирди. Туро Бергер бошчилигидаги норвегиялик қизлар учинчи ўринни эгаллашди. Эътиборга молик томони, уч карра Олимпиада чемпиони Дарья Домрачева охирги босқичда етакчилардан жуда катта фарқ билан ортда қолаётган бўлишига қарамай, иккита ўқ отишда ҳам барча нишонларни аниқ ёпиб, бешинчи ўринни қўлга киритиди.
