"Манчестер Юнайтед" ҳужумчиси Уэйн Руни "қизил иблислар" билан янги шартнома умзолагани муносабати билан журналистлар саволларига жавоб қайтарди.
"Клуб билан узоқ муддатли янги келишувга эришганимдан хурсандман. Жамоам - жаҳондаги энг катта клублардан бири. Мен фаолиятимнинг аксарият қисмини шу ерда ўтказишга азми қарор этдим.
Барчаси ҳал бўлганидан жуда хурсандман: эндт бор эътиборимни футбол ўйнашга қаратишим мумкин.
Мен "МЮ"га ўтганимдан буён мухлислар доим: ҳам яхши, ҳам ёмон кунларимда қўллаб-қувватлаб келишган. Биз ҳали янги шартнома имзоламасимиздан олдин улар бунга ишонишарди.
Клубимиз қайси йўналишда кетаётгани менга маълум. Агар бу мавсум ЕЧЛга йўлланма қўлга киритилмаса, барчасини келаси йил амалга оширамиз. Аммо ҳали йўлланма қўлдан чиқмаганини унутмаслик керак. Рақибларимиз яхши ўйнаяпти, аммо бизнинг таркибимиз ҳам кучли.
"МЮ"ни ёрқин келажак кутмоқда. Мана, қишда Мата сафимизга қўшилди.
Танқидлар энг яхши футболчиларни сафимизга жалб этишимизни шубҳа остига олганди, аммо Хуаннинг ўтиши бу фикрларга барҳам берди. Клубни янги давр кутмоқда. Жамоага янги бошқарувчилар ва ажойиб мураббий - Дэвид Мойес ташриф буюрди", - дейди Руни.