Айни дамда «Локомотив» жамоаси Бирлашган Араб Амирликларида ўқув-машғулотларини ўтказаётганидан хабарингиз бор. Кеча Абрамов бошчилигидаги жамоа ушбу йиғин давомидаги биринчи ўртоқлик-назорат учаршувини ўтказди. Рақиб маҳаллий «Дубай Сити» клуби бўлди.

Учрашув «темирйўлчилар»нинг тўлиқ устунлигида ўтди. Дастлабки гол Салим Мустафоев ҳисобига ёзилган бўлса, биринчи бўлимдаги қолган икки голни Фарҳод Тожиев киритди. Иккинчи бўлимда бошқа таркиб билан тушган «Локо» яна 4 та марта рақиб дарвозасини нишонга олди. Голларга Вячеслав Шевченко, Бобур Тиллабоев, Александр Шадрин ва кичик Жасур Ҳасановлар муаллифлик қилишди. Шу тариқа биринчи назорат ўйини 7:0 ҳисобида жамоамизнинг йирик ғалабаси билан якунланди.

«Локомотив» - «Дубай Сити» 7:0. «Jebel Ali» стадиони.
Голлар: С.Мустафоев, Ф.Тожиев(2 та), В.Шевченко, Б.Тиллабоев, А.Шадрин, Ж.Ҳасанов (кич).
«Локомотив» (1-бўлим): И.Нестеров, С.Мустафоев, И.Тўхтахўжаев, В.Карпенко, Б.Йўлдошев, Л.Тўраев, Ф.Мусаев, И.Раҳимов, Ж.Ҳасанов (кат), Ф.Тожиев, И.Нагаев
«Локомотив» (2-бўлим): И.Нестеров, С.Мирзаев, Д.Жабборов, Е.Гогол, И.Иномов, А.Холматов, Ф.Мусаев, А.Кожокарь, Ж.Ҳасанов (кич), А.Шадрин, В.Шевченко.