Бугун Абрамов бошчилигидаги жамоа БАА йиғин давомидаги сўнгги ўртоқлик-назорат учрашувини ўтказди. Рақибимиз БАА Про лигаси вакили «Ажман» жамоаси бўлди.

Ажман Амирлигида бўлиб ўтган учрашувда «темирйўлчилар» йирик – 1:4 ҳисобида рақиби устидан ғалаба қозондилар. Голларни биринчи бўлимда Виктор Карпенко, ва Александр Шадрин киритган бўлишса иккинчи бўлимда майдонга тушган Бобур Тиллабоев ва Фарҳод Тожиевлар ҳам биттадан урдилар.

Ушбу учрашув билан «Локомотив» БААда давом этган 10 кунлик йиғинни якунлади. Йиғин давомида жамоа 3 та ўртоқлик-назорат учрашувларини ўтказди (Дубай Сити 0:7, Ал-Аҳли 1:2 ва Ажман 1:4). 3 ўйин якунига кўра «темирйўлчилар» рақиблари дарвозасига 12та тўп киритиб ўз дарвозаларидан 3 бора гол ўтказиб юбордилар.

Ўзбекистон вице-чемпионлари эртага пойтахтимизга қайтиб келишади.

Назорат ўйини
«Ажман» - «Локомотив» - 1:4.
Голлар: В.Карпенко, А.Шадрин, Б.Тиллабоев, Ф.Тожиев
«Локомотив»: Т.Ганиев, С.Мустафоев, Б.Йўлдошов И.Иномов, В.Карпенко, А.Ҳолматов, Д.Жабборов, Ж. Хасанов (кич), Л.Тўраев, А.Шадрин, В.Шевченко
Захира: А.Кожокарь, Е.Гоголь, С.Абдуллаев, Б. Тиллабоев, Ф. Тожиев