Спорт кийимларини ишлаб чиқарувчи Nike компанияси "Nike Magista" деб номланувчи янги бутсаларни яратди ва Adidas томонидан февраль ойида яратилган бутсаларга жавоб қайтарди.
Nike ушбу маҳсулотни яратиш учун 4 йил вақт ва меҳнат сарфлади. Бутсаларнинг янги авлодини яратиш учун Flyknit янги технологиясидан фойдаланилди. Бу технология ёрдамида қалин матоли полотно яратилади ва ундан бутсалар ясалади. Натижада футболчи оёғида бутса эмас, пайпоқ кийгандек таассурот уйғотади.
Ушбу бутса ижодкор ярим ҳимоялар учун махсус яратилган. Шунингдек, тўп билан кўпроқ муомалада бўладиган футболчилар учун ҳам мазкур бутса айни муддао.
Юқорида айтиб ўтганимиздек, Nike Magista бутсалари Adidas'нинг Samba Primeknit бутсасига рақобатчи сифатида ишлаб чиқарилмоқда. Ҳар иккала бутсалар март ойи сўнгида сотувга чиқарилади.
