Бугун Тошкент вилоятида жойлашган “Дўстлик” стадионида “темирйўлчилар” Биринчи лига вакили - «Оқтепа» клубига қарши назорат учрашувида майдонга тушдилар.

3 кун аввал Ўзбекистон Суперкубогида майдонга тушмаган футболчиларнинг тайёргарлигини синаб кўриш мақсадида ташкил этилган ушбу учрашув «Локомотив»нинг 3:2 ҳисобидаги қийин ғалабаси билан якунланди. Ўйиннинг 4 дақиқасидаёқ Иван Нагаев пасидан сўнг Вячеслав Шевченко ҳисоби очишга муваффақ бўлди. Орадан 20 дақиқа ўтиб ҳимоячиларимизнинг қўпол хатосидан Мочинов шогирдлари унумли фойдаландилар, 1:1. Гол муаллифи “темирйўлчилар” собиқ футболчиси Собир Усмонҳўжаев. Бироз ўтиб эса Вячеслав Шевченкога нисбатан қўпол ўйнаган «Оқтепа» дарвозабони дастлаб пенальти белгиланишига сабабчи бўлди, кейин эса қизил карточка билан “жазоланди”. Аммо биринчи лига вакилларининг бошқа дарвозабони тайёр бўлмаганлиги учун у яна майдонда қолди ва “жабрланувчи” тепган 11 метрлик зарбани ҳам қайтаришга муваффақ бўлди. Шу тариқа биринчи бўлим якунланди.

Иккинчи бўлимда Абрамов биринчи бўлимда ўйнаган барчага футболчини янгиларига алмаштирди. Бироз ҳотиржамликка берилган футболчиларимиз яна ўз дарвозаларидан гол ўтказиб юбордилар. Бу голга Павленко муаллифлик қилди. Шундан сўнг яна қарши ҳужумда ўйнаган «Оқтепа» бир неча марта қулай вазиятларни бой бердилар. Учрашувнинг сўнгги декадасида эса барибир тажриба бобида устун бўлган вице-чемпионлар Тожиев ва Шадрин киритган голлар эвазига ғалабани ўз тарафларига оғдириб олдилар.

«Локомотив» - «Оқтепа» 3:2
Голлар: В.Шевченко (4), Ф.Тожиев (78), А.Шадрин (88) – С.Усмонхўжаев (22), Н.Павленко (52)
«Локомотив» 1-бўлим: И.Нестеров, И.Тўхтахўжаев, Б.Йўлдошев, С.Мустафоев, В.Карпенко(с), Л.Тўраев, С.Мирзаев, Ж.Ҳасанов(кат), И.Раҳимов, В.Шевченко, И.Нагаев
2-бўлим: Т.Жўраев, И.Иномов, Е.Гоголь, И.Суюнов, Д.Жабборов, А.Кожакарь, Ж.Ҳасанов (кич), С.Абдуллаев, А.Ҳолматов, А.Шадрин, Ф.Тожиев
«Оқтепа»: А.Омонов, Н.Тешабоев, Д.Усмонов, Н.Саъдуллаев, С.Топилов, С.Усмонҳўжаев, З.Қорақулов, Х.Йўлдошев(Набижонович), Х.Йўлдошев (Хуррамович), А.Шоғуломов, Н.Павленко, М.Ахмаджонов