Англиянинг «Сток Сити» клуби ҳужумчиси Питер Одемвинге фаолиятини Ўзбекистонда давом эттириши мумкин. Бу ҳақда футболчи рус журналистларига берган интервьюсида маълум қилди.
«Фаолиятингизни Россияда давом эттиришингиз мумкинми? Балки. Мен Ўзбекистонни ҳам ёддан чиқармасликни хоҳлардим. У ер мен учун бегона эмас ва футбол ҳам ривожланмоқда. Ривалдо Ўзбекистонда ўйнаб келди. Ёшим ўтгандан кейин тезлигим премьер лига учун етарли бўлмайди. Кўрамиз қаерга кетарканман, Россия, Ўзбекистон ёки Дубай»,- дейди ҳужумчи.