Англия чемпионати 31-туридан ўрин олган «Кардифф»га қарши ўйинда учта голга муаллифлик қилган «Ливерпуль» ҳужумчиси Луис Суарес премьер лига ғолиблиги учун кимлар курашиши ҳақида фикр билдирди.
«Менимча, чемпионлик учун асосий даъвогарлар – «Челси» ҳамда «Манчестер Сити». Биз эса ўз ишимизни қилишда давом этамиз.
Олдинда «Тоттенҳэм» ва «Сандерленд»га қарши ўз майдонимиздаги ўйинлар бор. Албатта чемпион бўлиш осон эмас, лекин имкони йўқ ишнинг ўзи йўқ»,- дейди ҳужумчи.