“Спорт” канали шарҳловчиси Мурод Ризаев билан кўп мулоқотда бўлиб турамиз. У киши футбол баҳслари натижаларини тахмин қилишни хуш кўради. Аксарият ҳолатларда унинг тахминлари тўғри чиқади. Тўғри, олдиндан нима бўлишини фақат Яратган билади. Аммо баъзи инсонларга шундай сезги ва қобилият ато этилган бўладики, буни бир оғиз сўз билан тушунтириб бериш қийин. Қолаверса, Мурод ака анча йиллардан бери футболнинг ичида юрибди. Бирор ўйин борасида ўз фикрини илгари суришда жамоаларнинг ўша пайтдаги жисмоний ва руҳий ҳолатига катта аҳамият қаратади.

М.Ризаев ҳар бир ўйинга жиддий ёндашиши ва ўйинга тайёргарлик кўриши билан бошқа ҳамкасбларидан ажралиб туради. Ҳамкасбимиз ҳеч қачон тайёргарликсиз, тўғридан-тўғри ўйинни шарҳлаш учун студияга кириб кетавермайди.

Биз Мурод акага Stadion.uz сайтида блог юритиш таклифини билдиргандик (шу пайтгача Мурод Ризаевнинг бир неча мақолалари сайтимизда эълон қилинган). Ҳамкасбимиз бунга рози бўлгандию, аммо қулай фурсат бўлмаётганди. Бугун эса бизни “Реал Мадрид” ва “Барселона” жамоалари ўртасидаги ўйин бўлиб ўтадиган ўйинда Мурод Ризаевнинг тахминлари — блогнинг илк мақоласи бўлади.

Мурод аканинг  фикрича, ушбу ўйинда мухлислар 3та гол кўриши керак ва ўйинда омадли жамоа ғалаба қозонади. Мақолани ўқиш учун Мурод Ризаев блогига ўтишингиз мумкин.