“Нефтчи” – “Пахтакор” ўйинидан жамоамиз менежери жамоа кўрсатмаларни тўғри бажарганини таъкидлади.

Самвел БАБАЯН (“Пахтакор” менежери):
- Бугун биз учун қийин ўйин бўлди. Чунки “Нефтчи”ни мухлислар жуда яхши қўллаб-қувватлашди. Шунга қарамай, футболчилар барча кўрсатмаларни тўғри бажаришди ва ғалаба қозондик. Андижондаги ўйиндан кейин жамоада кайфият юқори эди. Бу ҳам бизга ёрдам берди. Олдимизга ҳар бир учрашувда ғалаба қозониш мақсадини қўйганмиз. Бугун шуни уддалашга ҳаракат қилдик.

“Нефтчи”да Мурод Исмоилов яхши жамоа шакллантиряпти. Бугунги ўйиндан кейин шуни айта оламан. Жамоа ҳозир тўғри йўлдан кетмоқда. Бу клуб ҳали ўзини кўрсатади деб ўйлайман.

Камолиддин Тожиевни ҳозирча ўйин охирида майдонга туширамиз. Чунки у йиғинлар давомида жароҳат олганди. Аста-секинлик билан тўлиқ ўйнашга тайёр бўлади.