Украина ФФ фице-президенти Анатолий Попов "Таврия" ва "Симферополь" клубларининг Россия чемпионатига қўшилишлари борасида фикр билдирди.
- "Севастополь" президенти Александр Красильников УФФ ижроия қўмитасидан чииш ҳақида ариза берди. Уни олиб қолишга уриндингизми?
- Нима учун? Красильников ўз позициясини ҳаммага маълум қилди. У ўзини Россия фуқароси деб ҳисоблайди, бошқа давлат фуқаролари бизнинг ижроқўмимиз аъзоси бўла олмайди.
- "Севастополь" ва "Таврия" ўзларининг келажаги ҳақида билдирдиларми?
- Улардан расмий қоғозлар олмадик. Аммо Қрим жамоаларининг раҳбарлари Россия чемпионатида иштирок этишлари ҳақида ҳаммага айтиб бўлдилар. РФИ президенти Тольстих бу масала кўриб чиқилажагини билдирди. Айнан ҳозирги ҳолат бўйича ФИФА президенти Йозеф Блаттер шундай деди: "Севастополь" ва "Таврия" мавсум охиригача Украина чемпионатида ўйнашлари керак!
- Севастополь ва Симферопольда ўтиши керакбўлган ўйинлар айнан шу шаҳарларда ўтишига ишонасизми?
- Ишонаман, десам ёлғон гапирган бўламан. Умид бор. Ҳозирги сиёсий вазиятда ишонч ҳақида гапириш қийин. Қримда ҳокимият ўзгармоқда ва хавфсизликни сақлаш бўйича ҳам муаммолар бўлиши мумкин.
- "Таврия" ва "Симферополь"нинг кимга тегишли бўлиши борасида сизнинг шахсий фикрингиз қандай?
- Бу жамоалар бизнинг чемпионатимизга керак. Уларни сақлаб қолиш учун барча ҳаракатларни қиламиз. Ҳаракатларимиз ФИФА ва УЕФА низомлари асосида бўлади.