Мюнхеннинг "Бавария" клуби яримҳимоячиси Бастиан Шванштайгернинг фикрича, футболда ҳужумкор чизиқ вакилларининг "Олтин тўп"ни олиш имкониятлари ҳимоя аъзолариникидан кўра кўпроқ.
"Кўпроқ ҳимояга эътибор билан қаровчи яримҳимоячи сифатида менинг "Олтин тўп"ни олиш имкониятларим жуда кам. Реалист бўлиш керак. Бундай юксак соврин фақат Леонел Месси ва Криштиану Роналду ва Франк Рибери каби ўйинчилар учун мўлжалланган. Одамлар айнан шундай футболчиларни энг яхшилар деб тушуниб қолишган", - деди Шванштайгер.