Аввал хабар бериб ўтганимиздек, “Бунёдкор”нинг икки ўсмир жамоаси халқаро турнирларда иштирок этишди. Сочидаги “Мемориал Бубукина-2014” турнирида қатнаштган 11 ёшли ўсмирларимизнинг барча натижалари қуйидагича бўлди: “Акрон” (Новосемейкин) – 1:0, “Сокол” (Москва) – 2:1, “Краснодар” – 2:3, “Политех-2003” (Маҳачқалъа) – 2:2, “Абхазия термаси” – 1:1, “Сочи” – 4:2.

Мусобақада “Абхазия термаси” жамоаси 1-ўринни эгаллаган бўлса, Виктор Понедельник академияси (Ростов-Дон) иккинчи, “Краснодар” 3-ўрин соҳиби бўлишди. Денис Красниченко мураббийлигидаги ёш “қалдирғочлар” 5-ўрин билан кифояланишди.

Туркиянинг Анталия шаҳрида бўлиб ўтган “PARUSA CUP-2014” Халқаро турнирида эса 12 ёшли ўсмирларимиз иштирок этишди. Сергей Чигодаев шогирдлари қайд этган натижалар қуйидагича бўлди: гуруҳ босқичи. 1-БЎСМ (Шимкент, Қозоғистон) – 4:1, “Чертаново” (Москва) – 2:3. 5-8 ўринлар учун. “Локомотив” (Москва) – 2:2 (пенальтилар серияси – 8:9), “Росич” (Москва вилояти) – 1:1 (пенальтилар серияси 9:8), “Псков-747” – 2:1. 

Мусобақада “Чертаново” клуби 1-ўринни эгаллади. Владикавказнинг “Юность” жамоаси иккинчи, Москванинг “Локомотив” клуби 3-ўрин соҳиби бўлишди. “Бунёдкор”га бу турнирда ҳам 5-ўрин насиб этди.

Халқаро турнирларда қатнашган жамоаларимиз Тошкентга қайтиб келишди.