Франциялик ҳужумчи Николья Анелька ўтган ёзда "ПСЖ"га қайтиш имконияти туғилганлигини тан олди.
Уни Карло Анчелотти таклиф қилган, аммо кейинроқ мураббий "Реал"га ўтиб кетган ва шу тариқа Анелька ўз жонажон клуби билан шартнома имзолай олмаган эди.
"2013 йилнинг ёзида "ПСЖ"га қайтишга имконият туғилган эди. Ҳатто улар билан бир ҳафта шуғулландим ҳам. "Челси"даги мураббийим Карло Анчелотти мени яхши билади. У менинг қандай ишлашимни ҳам билади. Бундан ташқари "ПСЖ" менинг жонажон клубим, бу ерда ҳаммани танийман.
Парижга учинчи бор қайтиш орзуим. Аммо баъзан орзуларнинг амалга ошмагани яхшироқ", - дейди Анелька.
