«Эвертон» ярим ҳимоячиси Гарет Бэрри Англия терма жамоасида ортиқ ўйнаш ҳақида ўйламаслигини таъкидлади.
«Рой Ходжсон билан анчадан буён гаплашганим йўқ. Данияга қарши ўртоқлик ўйинидан олдин у менинг таркибга киришимга оз қолганини маълум қилганди ва ўшандан кейин мен терма жамоадаги фаолиятимга якун ясаганман.
Данияга қарши ўйинда 30 киши тайёрланишини эшитиб, бу мен учун яхши имконият эканини билдим. Ўша таркибга ҳам кирмагандан кейин ҳаммаси ҳал бўлди. «Эвертон»га келганимда терма ҳақида ўйлаганим ҳам йўқ. Шундай экан, жаҳон чемпионатига бормасам, хафа бўлмайман»,- дейди Бэрри.