"Рома" ҳужумчиси Маттиа Дестро Италия чемпионатининг 32-турида "Кальяри" дарвозасига учта тўп киритди.
Ўйинда "Рома" 3:1 ҳисобида ғалаба қозонди.
"Ўзимни жуда яхши ҳис қиляпман, - дея Дестронинг сўзларини келтиради Sport Mediaset. - Учта гол урганимдан хурсандман. Бу менинг А сериядаги биринчи "хет-трик"им. Аммо ғалабадан кўпроқ хурсандман.
Жаҳон чемпионати? Албатта у ерга боришни хоҳлайман. "Рома"да ўзимни кўрсатиш учун барча ишни қиламан, у ёғи бир гап бўлар."