«Боруссия» бош мураббийи Юрген Клопп ЕЧЛ чорак финал босқичи доирасида «Реал»га қарши кечадиган жавоб ўйини борасида ўз фикрларини билдириб ўтди (биринчи ўйин – 0:3).

«Биз иккинчи бўлим бўйича мутахассисмиз. Эртага эса чорак финалнинг иккинчи бўлими бўлади. Биз унда ғалаба қозонишни истаймиз.

«Реал» – чемпионлар лигаси фаовритларидан бири. Биз ҳимояда яхши ўйнаб, ҳужумда ўз имкониятларимиздан фойдаланишни истаймиз. Ўтган йили биз финалда ютқазгандик. Ушбу мавсумда эса чорак финалдан чиқиб кетадиганга ўхшаймиз, лекин ҳали ҳеч нарса тугамади.

Биз ёшартирилган «Боруссия» лойиҳасини бошладик. Бунинг боиси, биз ёш футболчиларни яхши кўришимизда эмас, сабаби, бизнинг пулимиз йўқ. Мен яхши футболчиларни ёқтираман», – дейди Клопп.

«Боруссия» – «Реал» ўйини эрта, 8 апрель, сешанба куни соат 23:45да бўлиб ўтади.