"Атлетико" яримҳимоячиси Тиагу Мендеш чемпионлар лигаси чорак финалида "Барселона"га қарши жавоб учрашуви борасида фикр билдирди.
"Биз чемпионлар лигасида тарих яратишимиз мумкин. Кураш ҳали тугамади. Биз 0:0 ҳисобидаги дурангни кўзлаб ўйнамаймиз. Ҳар доимгидай олдинга бориб, гол уришга уринамиз. Албатта, "Барселона" ҳам қараб турмайди ва бизга озгина омад керак.
Испания чемпионатида фаворит эмасмиз. "Барселона" ва "Реал"дан жуда кам очко олдинда юриб фаворит бўлиш мумкин эмас. Аммо биз ҳар бир ўйинда охиригача курашиб, биринчи ўринда қолмоқчимиз. Албатта, чемпионлик ҳақида ўйлаяпмиз, ахир у жуда яқин турибди. Муддатидан аввал ўзимизни сароб билан алдаш керак эмас", - дейди Мендеш.
