"Челси" ҳужумчиси Демба Ба чемпионлар лигаси чорак финалида "ПСЖ"га қарши кечган ўйин (2:0) ҳақида фикр билдирди.
Эслатиб ўтамиз, футболчи 87-дақиқада гол уриб лондонликларни яримфиналга олиб чиқди.
"Ҳаммаси жуда тез содир бўлди. Мен майдонга йиқилдим, юқорига қарадим, тўп эса дарвозада эди. Биз ҳаммамиз катта қувонч ҳис қилдик.
Менга имконият туғилса, қўлимдан келганини қиламан. Бу мавсумда менда бундай имкониятлар ўзим хоҳлагандай кўп бўлмади. Аммо бугун вазиятдан фойдалана олганимга хурсандман", - дейди Ба.