"Барселона" яримҳимочиси Андрес Иньеста чемпионлар лигаси чорак финалида "Атлетико"га қарши жавоб учрашуви олдидан фикрлари билан ўртоқлашди.
Ушбу ўйин футболчининг каталонияликлар сафидаги 500-ўйин бўлади.
"Яримфиналга чиқишимиз учун идаел футбол кўрсатишимиз керак. "Атлетико"нинг жиддий рақиблигини яхши биламиз, биз улар билан бу мавсум тўқнаш келдик.
Биз "Висенте Кальдерон" стадиони майдонига ўзимизга тўла ишониб тушишимиз, ишимизни аълога бажариб, ғалаба қозонишимиз керак. Қийин бўлади, аммо биз бунинг уддасидан чиқамиз.
500-ўйинимга келсак, бу мен учун жиддий кўрсаткич, мен ўзимни бахтли сезмоқдаман. Бу - узоқ муддатдан сўнг жиддий клубга фойда келтира олишимни билдиради", - дейди Иньеста.
