“Пахтакор” академиясининг 1998 йилда таввалуд топган футболчиларидан иборат жамоаси, Краснодарда бўлиб ўтаётган Сергей Вахрушев хотирасига бағишланган ҳалқаро мусобақани мағлубият билан якунладилар.
“Б гуруҳида” иштирок этган жамоамиз футболчилари гурух босқичидаги сўнги ўйинда “Краснодар” футбол академияси иккинчи жамоаси вакиллари билан куч синашдилар ва кескин кечган учрашув 1:2 ҳисобида якунланди. Рақиб футболчилари Волненко ва Жигкаев томонидан киритилган голларга футболчиларимиз фақатгина Озодбек Қурбоновнинг аниқ зарбаси билан жавоб бера олдилар холос.
Мусобақа регламентига биноан, агар гуруҳ учрашувлари якунига кўра икки жамоа очколари сони тенг кўриниш олса, биринчи навбатда уларнинг ўзаро ўйинидаги натижа инобатга олинади. Шундай қилиб тўплар нисбати яхшироқ бўлишига қарамасдан, вакилларимиз гурухда учинчи ўринга тушиб кетдилар ва мусобақани тарк этдилар.
«Б» гуруҳи
«Пахтакор» (Тошкент) - «Краснодар-2» ФК Академияси – 1:2
Голлар: Қурбонов – Волненко, Жикаев
9 апрел. «Краснодар» ФК академияси майдони.
