Келаётган ёзда АҚШнинг Мичиган штатида ўтадиган "МЮ" ва "Реал" клублари ўртасидаги ўртоқлик учрашувига 100 мингдан ошиқ чипта сотилди.
2 август куни Энн-Арбор шаҳрида ташкиллаштириладиган ушбу ўйин мамлакатнинг мухлислар ташрифи бўйича рекордини ўрнатиши мумкин. 1984 йил Олимпида мусобақалари доирасида ўтказилган Бразилия ва Франция ўртасидаги ўйинга 101 799 та мухлис кирган. Мичигандаги "Катта уй" номли стадионнинг сиғими 109 901 мухлисга мўлажалланган.
Эслатиб ўтамиз, бу ўйин International Champions Cup-2014 мусобақаси доирасида ўтказилади. Шунингдек, мусобақада "Милан", "Манчестер Сити", "Интер" ва бошқа Европа клублари қатнашади.
