Жозе Моуриньо ЕЧР яримфиналида Тибо Куртуанинг "Челси"га қарши ўйнашига кўна олмаяпти, дея хабар беради Marca.
Куртуа ушбу ўйинларда майдонга тушишга ҳақли эканлиги ҳақида УЕФАнинг яқинда берган баённомасига қарамай, "Челси" бош мураббийи ижара шартномада қайд этилаган бандлари бажарилишини талаб қилмоқда. Шартномага кўра, аслида Лондонликларга тегишли бўлган Куртуа "Челси"га қарши ўйнаса "Атлетико" ҳар бир ўйин учун 3 миллион евро тўлаши керак бўлади.
Акс ҳолда, Моуриньо ёзда Куртуани "Атлетико"га ижарага бермай, "Челси" дарвозабони Петр Чехга ўринбосар қилиб қўймоқчи.
Эслатиб ўтамиз, Куртуанинг "Челси" билан шартномаси 2016 йилнинг ёзигача тузилган.