18 апрель куни "Пахтакор" Ўзбекистон Кубоги 1/16 финал доирасида "Хоразм" билан майдонга тушади.
Ушбу беллашув аслида "Хоразм"нинг уй стадионида ўтказиши белгиланганди, лекин ҳар икки жамоа келишувига кўра, хоразмликлар пойтахтга ташриф буюрадиган бўлдилар. Шу тариқа Мансур Давлетов шогирдлари 18 апрель, жума куни "Пахтакор" стадионида "шерлар"га қарши баҳс олиб боришади. "Хоразм" биринчи босқичда ўз майдонида "Орол"ни 4:2 ҳисобида мағлубиятга учратган.
Учрашув 18 апрель куни "Пахтакор" Марказий стадионида соат 18:00да старт олади. Бу сафар ҳам стадионга ташриф буюрадиган ишқибозларда "Пахтакор" футбол клубининг турли эсдалик совғаларини ютиб олиш имконияти юзага келади. Улар клуб рамзи туширилган турли эсдалик буюм-атрибуткалар билан уйларига қайтишлари мумкин. Шунингдек, бир неча ишқибоз "Fitness House" соғломлаштириш марказига бепул ойлик абонементлар соҳибларига айланади. Чипталар стадион кассаларида 2000 сўмдан сотилади.
"ХОРАЗМ" - "ПАХТАКОР"
Ҳакамлар: Азиз Асимов (Тошкент), Холмат Мирзааҳмедов (Тошкент вилояти), Андрей Снетков (Тошкент вилояти), Игорь Худойдотов (Тошкент).
Назоратчи: Арслон Ҳотамов (Тошкент).
