"Реал" бош мураббийи Карло Анчелотти Испания кубоги финалида "Барселона"га қарши ўйин олдидан уннг жамоаси рақибга ўйинни бошқариш учун имконият бермасликка ҳаракат қилишини билдирди.
"Биз майдонга чиқиб, фақат рақибни қуролсизлантириш билан машғул бўлмоқчи эмасмиз. Ўз ўйинимиз билан ғалаба қозонмоқчимиз. Бизнинг ўз ўйин фалсафамиз бор ва уни ўзгартирмоқчи эмасмиз.
"Барселона" билан охирги ўйинда жуда яхши ҳаракат қилдик, аммо кичик хатоларга йўл қўйдик. Каталонияликлар қарши ўйинда бизга жасурлик ва характер керак", - дейди Анчелотти.
