"Барселона" ҳимоячиси Даниэл Алвес Испания кубоги финалида "Реал" клубидан учралган мағлубият (1:2) сабабли жамоа номига билдирилаётган танқидларни қабул қилишга тайёрлигини билдирди.
"Иккинчи голни ҳам урамиз деб ўйлагандик, аммо ҳаммаси бошқача бўлиб чиқди... Биз Валенсияни жуда бахтсиз ҳолда тарк этяпмиз, чунки қанчадан қанча мухлислар Кубокни ютишимизга ишониб келгандилар.
Деворга тақаб отиб ташласаларда, майли. Мен шунақаман. Футбол ҳам шундай. Ғалаба қозонсангиз - сиз энг яхшисиз, мағлуб бўлсангиз - сиздан ёмони йўқ.
Мен буюк клубнинг тақдиридан хавотирдаман. Юракдаги муҳаббатим билан унинг шаънини охиригача ҳимоя қиламан", - дейди Алвес.