"Бавария" яримҳимоячиси Франк Рибери ўз жамоасининг кучи ҳақида гапирар экан, фақат ғалаба қозонадиган жамоа йўқлигини таъкидлади.
"Эҳтимол, мавсум бошида ўтган йилги мавсум ютуқларидан маст бўлгандирмиз. Бу бизни бироз чалғитди. Биз машина эмасмиз, биз ҳаммамиз оддий одамлармиз. Одамларга хос нарсалар бизга бегона эмас, биз ҳам чарчаймиз.
Аммо бизнинг клубимиз "Бавария", шунинг учун ҳар бир ўйинда ғалаба учун ўйнашга мажбурмиз. Жамоамизнинг ҳар бир ўйинчиси бунга тайёр бўлсада, ҳар доим ғалаба қозонишнинг иложи йўқ.
Лекин биз ўзимиз учун эмас, мухлислар учун ҳам ўйнаётганимизни ёддан чиқармаслигимиз керак", - дейди Рибери.