Мадриднинг «Реал» клуби ҳужумчиси Криштиану Роналду юлдузлар ва бошқа футболчилар ҳақида фикр билдирди.
«Мен ҳар доим энг зўр бўлишни хоҳлайман ва ҳеч қачон ўзгармайман. Ҳар мавсумда 60та ўйинда юқори савияда ҳаракат қилишни истайман. Юлдузлар ва бошқа футболчилар ўртасидаги фарқ бу меҳнат, ҳаракат. Яхши ухлаш керак, яхши овқат ейиш керак ва ўз вақтида дам олиш керак.
Мен жуда кўп талантли футболчилар билан ўйнаганман. Мендан ҳам талантлироғи? Бир нарса дейиш қийин. Кимдир 5та, кимдир 15та ўйинда яхши ўйнайди, лекин ҳар мавсумда 60та ўйинда яхши қатнашиш керак. Футболчи сифатида орзум Португалия билан Европа ёки жаҳон чемпиони бўлиш»,- дейди ҳужумчи.
