Европа Чемпионлар Лигасининг жорий мавсуми якунланишига ҳам оз фурсат қолди. 11 апрель куни эса ушбу мусобақанинг ярим финал ўйинларига қуръа ташланди. Унга кўра, мухлислар икки баҳсдан иборат «Реал» - «Бавария» ҳамда «Атлетико» - «Челси» жамоалари иштирокидаги тўқнашувлар гувоҳига айланишади.
Шу муносабат билан Sports.ru сайтининг таниқли мухбирлари ушбу клубларнинг ЕЧЛ ғолиблигини қўлга киритиш имкониятларига назар ташлашга аҳд қилишди ва журналистларнинг ҳар бири ўзига биттадан жамоа танлаб олиб, унинг нима сабабдан ғолибликка даъвогар эканлигини исботлаб берди.
Денис Романцов - «Реал» (Мадрид)
- «Реал»да Чемпионлар Лигасида 2 марта муваффақиятга эришган мураббий ҳамда Европанинг энг яхши клуби бўлган «Бавария»дан қолишмайдиган ва ўзаро уйғунликда ўйнайдиган таркиб бор. Шунингдек, ярим финалнинг иккинчи ўйинига қадар жароҳатидан фориғ бўлиши кутилаётган жаҳоннинг энг яхши футболчиси Криштиану Роналду мадридликлар сафида. «Реал»да жорий мавсумда 18та тўп киритишга эришган дунёнинг энг қиммат футболчиси Гарет Бэйл ҳам ўйнайди. ЧЛнинг жорий мавсумида «Реал» барча клублардан кўп, яъни 32та тўп киритди («Бавария»нинг голларидан 8та кўп). Бундан ташқари, фақатгина мадридликлар тўпни назорат қилиш борасида «Бавария»га тенглаша оладилар.
- Балки жорий мавсумда Чемпионлар Лигасида 10-ғолибликни нишонлармиз. Биз буни ҳаммадан кўпроқ хоҳлаймиз, - дея таъкидлаганди «Реал» клуби президенти Флорентино Перес мухлисларга Рождество байрами муносабати билан қилган мурожаатида.
Сўнгги 10 йил ичида «Реал»да буни амалга ошириш учун яхшигина имконият туғилди.
Роман Мун - «Бавария»
- Сени бир оз олдин миллий чемпионат ва ЕЧЛда ғолибликни қўлга киритган, таркибни янгилашга муҳтож бўлмаган жаҳоннинг энг кучли клубига чақиришса, нима қилардинг? Айрим мураббийлар бундай пайтда шошма-шошарликка йўл қўйишса, баъзилари жуда эҳтиёткорлик билан иш олиб боришни афзал кўришади. Хосеп Гвардиоланинг эса «Бавария» рулини ўз қўлига олганидан кейин қилган дастлабки иши жамоанинг энг яхши қанот ҳимоячиси ва суперюлдузини майдон марказига ўтказгани бўлди. Бу ишини изоҳлаб, Пеп қуйидагича фикр билдирди:
- Лам янги позициясига мослашиб кета олади. У қўл остимда ўйнаган барча футболчилар ичида энг ақллиси.
Гвардиола Мюнхенга дам олиш ниятида келганида ҳам «Бавария»нинг ЧЛ фаворитларидан бири бўлиши аниқ эди. Бироқ Гвардиола бундан мустасно. Хосеп билан бирга ишлаган кишиларнинг таъкидлашларича, у тўхташни билмайди, доимо ўзини босим остида ушлаб, янги қарорларга қўл уради ва ҳар бир рақибга қарши кечадиган учрашувга пухта тайёргарлик кўради.
Аслида шу кунгача бирорта жамоанинг ЧЛда қаторасига 2 марта ғолиб чиқа олмаганлиги клубнинг ўз олдига қўйган вазифаси аллақачаноқ бажарилганлигини билдиради. Лекин Гвардиола қўл остидаги «Бавария»ни бу факт хавотирга солмайди. Жаҳоннинг энг яхши клуби жорий мавсумда янада яхши бўлишга интилиши эҳтимолдан холи эмас.
Иван Калашников - «Челси»
- Жорий мавсумдаги ҳар бир матбуот анжуманида Жозе Моуриньо қуйидаги сўзларни такрорлашдан чарчамайди:
- «Челси»нинг Англия чемпионлигини қўлга киритиши эҳтимолдан узоқ. Чунки, рақобатчиларимизнинг захира ўриндиқлари доимо узун бўлиб келган ёки тақвимнинг қисқалиги бунга панд беради. Бундан ташқари, чемпионлик унвонига эришишимиз учун айрим пайтларда ҳакамлар халақит беришади ёки ҳужумчилар етишмайди.
Аммо ЧЛнинг рақобат савияси Англия премьер-лигасидагидан кўра юқорироқ бўлишига қарамай, Моуриньо ушбу нуфузли турнирда ғолиб чиқиш имкониятлари хусусида оғиз очмайди. Ҳамма гап шундаки, португалиялик мутахассиснинг жамоаси қандай ҳолатда бўлиши, муаммоларга дуч келишидан қатъий назар, 1 ёки 2та ўйинда ғалаба қозона олиши аниқ. ЧЛда ғолиб чиқиш учун эса «аристократлар» 3 ўйинда зафар қучишса кифоя. Буни эса жорий мавсумда премьер-лигада амалга оширилган хавотирга соладиган тактика қўллаш («МЮ» ва «Арсенал» жамоалари билан қайд этилган 0:0 ҳисобидаги дуранглар), кучли рақибни руҳий тушкунликка тушириш («Ман.Сити», «Ливерпуль»), шунингдек, «канонирлар»га қарши кечган иккинчи учрашувда юз берганидек (6:0), тезкор ҳужум уюштириб, рақибни қийин аҳволда қолдирилган услублар ёрдамида амалга оширса бўлади.
Моуриньо ҳеч қачон қўлидан келадиган воситалар ёрдамида натижага эришишни рад этмайди. Жароҳатланган футболчиларнинг узоқ вақт давомида майдонга қайта олмасликлари, шогирдларининг формалари талаб даражасида эмаслиги ва бошқа омиллар бу борада унга ҳалақит бериши ҳам эҳтимолдан холи эмас. Аммо 90 дақиқа вақт мобайнида у ҳар қандай рақиб, жумладан, эски ҳисоб-китоби бор клубларни мағлубиятга учратишга қодир. Гвардиола, Симеоне, «Реал» (Мадрид) - мана «Челси»га рўпара келган рақиблар.
Станислав Ринкевич - «Атлетико»
- ЧЛдаги йигитлардан қайсиниси бошқаларга қараганда кўпроқ ишончингизни оқлади? Келинг, қандайдир сабабларни ўйлаб топмайлик-да, «Атлетико»нинг ушбу турнир ғолиблигини қўлга киритиш эҳтимоли юқори эканлигини тан олайлик. ЧЛнинг чорак финал баҳсларида, 180 дақиқа давомида қайси клуб «Атлетико»дан кўра ёрқинроқ ўйин намойиш этди? Ҳаттоки, «Барселона» футболчилари биринчи баҳснинг охирги дақиқаларида уюшқоқлик кўрсатиб, рақиб ҳужумини кесиб қўйиш борасидаги энг яхши ўйинларидан бирини намойиш этиб, гол уриш имкониятига эга бўлишса-да, «матрасчилар» ҳимояси «сочилиб» кетган бўлса-да, Диего Симеоне шогирдлари бундан хавотирланмай, ўз ишларини совуққонлик билан бажаришда давом этишди.
Чемпионлар Лигаси
Ярим финал
22 апрель (сешанба)
«АТЛЕТИКО» (ESP)-«ЧЕЛСИ» (ENG)
Жавоб ўйини: 30 апрель (чоршанба)
23 апрель (чоршанба)
«РЕАЛ» (ESP)-«БАВАРИЯ» (GER)
Жавоб ўйини: 29 апрель (сешанба)
Финал
24 май (шанба)
Лиссабон. «Да Луж» стадиони.
Европа лигаси
Ярим финал
24 апрель (пайшанба)
«ВАЛЕНСИЯ» (ESP)-«СЕВИЛЬЯ» (ESP)
Жавоб ўйини: 1 май (пайшанба)
24 апрель (пайшанба)
«ЮВЕНТУС» (ITА)-«БЕНФИКА» (POR)
Жавоб ўйини: 1 май (пайшанба)
Финал
14 май (чоршанба)
Турин. «Ювентус Арена» стадиони.
