«Манчестер Сити» ярим ҳимоячиси Яя Туре африкаликларга нисбатан номуносиб муомалада бўлишларидан ранжишини таъкидлади.

«Тўғриси, бу борада мухлислардан ранжийман. Мен айнан кимлардир ҳақида гапирмоқчи эмасман, одил бўлиш керак деб ўйлайман.

Африкга борсангиз барча Мессининг ким эканини, унинг юз тузилиши қанақа эканини айтиб беришади. Лекин Европада Яя Туре ҳақида сўрасангиз, ҳамма ҳам билавермайди. Эшитганман, деб қўйишади.

Агар мени АПЛнинг энг яхши футболчиси деб тан олишаса, жуда хурсанд бўламан. Африка учун хурсанд бўламан. Ўзимни музаффар ҳис қиламан. Мен африкалик эканимдан фахрланаман. Африкаликлар ҳам Европа ва Жанубий Америкаликлар каби энг яхши бўла олишади»,- дейди Туре.