"Эвертон" ҳимоячиси Лейтон Бейнс жамоанинг ҳозирги устози Роберто Мартинес ва собиқ устози Мойес ҳақида фикр билдирди.
"Улар мутлақо турлича. Биз ҳозир бошқа усулда ўйнаяпмиз. Аввалгидай ҳар бир рақибга алоҳида мослашмаяпмиз. Мартинес ҳақида гапирадиган бўлсам, у ўзига ишонади ва унинг ўз режаси бор. У ўз ўйинчиларига ҳам ишонади.
У бизга ўзгариш керак эмаслигини, доим ривожланиб боришни , мақсадга етмагунча мунтазам машқ қилишни таъкидлаб келади.
Аммо Мойес ҳам ўзига яраша яхши эди", - дейди Бейнс.
