"Ливерпуль" сафида уч марта Чемпионлар кубоги соҳиби бўлган Алан Хансеннинг фикрича чемпионлар лигасининг бу йилги фаворити "Челси" экан.
"Моуриньо катта омадсизликдан кейин жуда хавфли бўлади. У ҳар доим кучли рақиб устидан қандай ғалаба қозонишни билади. У айнан еврокубокларда нима учун Европанинг энг яхши мураббийларидан бири эканлигини кўрсатиб қўйган.
Моуриньо шогирдлари Мадриддаги ўйинга тўғри тайёрланмоқдалар. Мураббийнинг ўзи учун эса финалнинг ўз ватанида ўтиши қўшимча мотивация беради.
Мен Моуриньонинг финалда "Реал" билан дуч келиб, уни мағлуб этишини кўряпман", - дейди Хансен.
Эслатиб ўтамиз, ЕЧЛ яримфинали "Атлетико"-"Челси" ўртасидаги биринчи ўйини бугун,Тошкент вақти билан 23:45 да бошланади.
