"Челси" ҳужумчиси Фернандо Торрес ЕЧЛ яримфинали дастлабки учрашувида "Атлетико" билан қайд этилган дуранг натижа (0:0) ҳақида фикр билдирди.
Эслатиб ўтамиз, Торрес 2007 йилгача "Атлетико" сафида ўйнаган, кейин "Ливерпуль"га ўтган. 2011 йилдан бошлаб эса "Челси" сафида.
"Орадан етти йил ўтиб "Висенте Кальдерон"га қайтиш, бунинг устига Чемпионлар лигаси яримфиналида - бундан ортиқ бахт борми? Ўйингача ва ўйиндан кейин ҳам ҳузур қилдим. Мени бундай кутиб олган мухлисларга катта раҳмат.
Натижага келсак, дуранг иккала жамоа учун ҳам яхши бўлди. Агар "Атлетико" Лондонда гол урса жуда хавфли бўлади", - дейди Торрес.