«Динамо» - «Пахтакор» (1:2) учрашувидан сўнг, айрим сабабларга кўра матбуот анжумани ўтказилмаган бўлсада, ҳар икки жамоа бош мураббийлари фикри билан қизиқдик. Дастлаб саволларга меҳмонлар бош менеджери Самвел Бабаян жавоб берди.
- «Пахтакор» жамоасига қарши ўйинларда хоҳ у уйдаги ёки сафардаги учрашув бўлсин ҳар қандай рақиб жамоа бор куч ва имкониятини ишга солади. Бугун ҳам шундай бўлди. Учрашувнинг сўнгги дақиқаларгача мана шундай асабий ўтмаслиги учун, ўйин давомидаги қатор имкониятлардан фойдаланишимиз керак эди. Бироқ, вазиятлардан фойдалишда оқсаяпмиз. Шукурки, сўнгги 96-дақиқада гол уриб ҳақли тарзда ғалабага эришдик деб ўйлайман. «Динамо» сафида бир қатор ижарадаги футболчилар бизга қарши майдонга тушмаган бўлишсада, ушбу ёш жамоа ҳам бизга қарши жуда кучли ўйин намойиш этди» - дейди Тошкент клуби бош менеджери.
