"Реал" бош мураббийи Карло Анчелотти ЕЧЛ яримфиналида "Бавария"га қарши жавоб учрашувидан сўнг фикрлари билан ўртоқлашди (4:0).

"Ҳаммани ва ҳар бир кишини алоҳида табриклайман. Менинг йигитларим зўр ўйнашди. Агар ҳамма биргаликда ишласа ва сизда индивидуал маҳорат бор бўлса, ҳаммаси силлиқ кечади.

Биз стандартлар устида кўп ишладик, чунки "Бавария" дарвозасининг узоқ бурчагида муаммолар борлигини билар эдик. Рамос ажойиб мавсум ўтказди, у жаҳоннинг энг яхши ҳимоячиси. Ҳимоядаги ўйинимиз жуда ёқди, қанотлардаги яримҳимоячиларимиз ҳужумни қўллаб туришди.

Мен аввал ҳам Мюнхенда ғалаба қозонганман, бу менга ишонч берди. Бу ерда менинг ишим ўнгидан келган, аммо ҳозир энг муҳими футболчиларни табриклаш ва уларга миннатдорчилик билдириш. 12 йилдан сўнг ниҳоят "Реал" финалга чиқди.

ЕЧЛ финалига чиқиш биринчи галдаги вазифамиз эди. Ҳа, чорак финалда "Боруссия"га қарши жавоб учрашувида ёмон ўйнадик, аммо шундан буён жуда яхши футбол кўрсатяпмиз. Энди Лиссабонда майдонга чиқиб, финални ютиш керак.

Бэйл, Бензема ва Роналдулар жамоа учун бор кучларини беришди. Ўйинимиз жуда яхши чиқди, аммо бу ўйин фаолиятимдаги энг яхшисими, буни айтолмайман. Бу жамоа мени ажаблантиришда давом этмоқда. Менда шахсий вазифалар йўқ, футбол менга кўп нарса берди. Мен жамоани финалга олиб чиққанимдан шунчаки хурсандман.

Финалда ким билан учрашишни истайман? "Челси" тажрибалироқ, "Атлетико"да юксалиш зўр. Муҳими биз  финалда аниқ ўйнаймиз", - дейди Анчелотти.