"Барселона" раҳбарияти яқин вақтларгача жамоа ҳужумчиси Лионель Мессини трансферга қўймоқчи бўлган, дея хабар беради испан матббуоти.

Аргениналик ҳужумчи билан шартномани узайтириш ишларида бир фикрга келиш шунчалик қийинлашдики, оқибатда Сандро Росель ўз ходимлари билан келишиб уни 250 миллион еврога сотиб юборишга қарор қилган. Бунинг 10 фоизини футболчининг ўзига берилиши керак бўлган.

Бу қарорнинг жиддийлигини "Барса" томонидан Мессининг отаси ва агентига юборилган хатнинг мавзуси тасдиқлайди.

Охирги  кунларда томонлар яна музокаралар столига ўтирдилар ва яқин кунларда янги шартнома имзоланиши кутилмоқда.