“Ал Ҳилол” – “Бунёдкор” ўртасидаги жавоб баҳсидан олдин ташкил этилган матбуот анжуманининг иккинчи қисмида майдон эгалари бош мураббийи ва сардори қатнашди.
"Биринчи ўйинда ғалаба қозондик, аммо биз сира ҳам хотиржам бўлмаяпмиз. Жавоб баҳсида ҳам ўзимизга керакли натижага эриша олсак кейин тинчланамиз. Бу жиҳатни футболчиларга ҳам уқтирдим. Чунки "Бунёдкор" жуда кучли жамоа. Бу рақибни сафарда мағлуб этган бўлсакда, ҳали кураш тўхтамади. Рақиб Қатарда қандай ғалаба қозонганини ҳали унутганимиз йўқ", - дейди Сами ал-Жабр.
"Жавоб ўйинига тайёрмиз. Мураббийимиз ҳамма гапни айтиб бўлди. Ҳали жамоадошларим билан қўйилган мақсадга эришганимиз йўқ. "Бунёдкор" ҳали ҳам кучли рақиб", - дейди Ёсир ал-Қаҳтоний.
