"Атлетико" ҳужумчиси Диего Коста Испания чемпионатининг сўнгги турида "Барселона"га қарши ўйинда (1:1) жароҳат олган эди.
Футболчининг тизза ости пайларини чўзилган бўлиб, унинг ЕЧЛ финалида қатнашиши сўроқ остида эди.
Шунинг учун 25 ёшли футболчи даволанишни тезлаштириш мақсадида Белградлик таниқли табиб Марьян Ковачевич ҳузурига учди. Табиб жароҳат олган спортчиларни отнинг йўлдоши асосидан олинган малҳам билан даволайди, дея хабар беради El Mundo Deportivo.
Эслатиб ўтамиз, аввалроқ Диего Костанинг икки ҳафтага сафдан чиққанлиги ҳақида хабарлар тарқалган эди.
Таъкидлаш жоиз, Марьяна Ковачевич Фрэнк Лэмпард, Робин ван Перси, Венсан Компани, Деян Станкович ва Йосси Бенаюн каби таниқли футболчиларни даволаган.