"Челси" ҳужумчиси Самуэль Это'О жамоа бош мураббийи Жозе Моуриньо ҳақида кескин фикрлар билдирди.
Футболчи ўзининг ёши ҳақида айтган гаплари учун Моуриньони кечира олмаяпти. Ўзаро суҳбатда португалиялик мутахассис футболчининг асл ёши 33да эмас, балки ундан каттароқ эканлигига шаъма қилган эди.
Эслатиб ўтамиз, бу футболчининг Моуриньога биринчи ҳужуми эмас, аввалроқ мураббийни аҳмоқ деб атаган эди.
"Бу қўғирчоқнинг менинг ёшимга нисбатан айтган гапларига қарши ўлароқ, мен ажойиб жисмоний формадаман, - дея футболчининг сўзларини келтиради cafonline.com. - 33 ёшимда ўзимни жуда яхши ҳис қиляпман ва АҚШ ёки Яқин Шарққа интилмаяпман. Юқори савияда, чемпионлар лигасида ўйнашда давом этаман".
