Ўзбекистон кубоги 1/8 финал жавоб ўйинида “Насаф” футболчилари 27 май куни сафарда “Андижон” билан куч синашади.

Хабарингиз бор, футболчиларимиз 23 май санасида миллий чемпионат доирасида водийда “Андижон”га қарши майдонга чиқишган эди. Орадан тўрт кун ўтиб “Насаф” яна Андижонга боради. Ушбу беллашувга қаршилик футбочилар пойтахтда ҳозирлик кўришмоқда.

Жамоамизнинг етакчи футболчилари - Элдорбек Суюнов ва  Шуҳрат Муҳаммадиев миллий терма жамоа машғулотларида иштирок этаётган бўлишса, асосий жамоа билан ўринбосарлар таркибидаги футболчилар – Азиз Ғаниев ва Сирожиддин Қўзиев машғулот олиб боришмоқда.

"Насаф" делегацияси эртага, 26 май куни кечки пайт ҳаво йўллари орқали Тошкентдан водийга йўл олишади.

Эслатиб ўтамиз, Ўзбекистон кубоги нимчорак финалидан ўрин олган “Андижон”-“Насаф” қарама-қаршилигининг Қаршида ўтказилган илк ўйинида “аждарлар” 5:0 ҳисобида ғалаба қозонишган. Жавоб ўйини 27 май, сешанба куни соат 17:30 да Андижондаги “Соғлом авлод” стадионида ўтказилади.