"Атлетико" ва Испания терма жамоаси ҳужумчиси Диего Коста яқинлашаётган мундиални ўтказиб юбориши мумкин.
Бугунги тиббий кўрик натижаларига кўра, футболчининг тизза ости пайлари жароҳати битмаган. Унинг соғайишига 15 кун кетади.
2 июнь куни якуний таркибни эълон қилиши керак бўлган Испания терма жамоаси бош мураббийи Висенте Дель Боске барча ўйинчиларнинг Голландияга қарши биринчи учрашувгача тўлиқ тайёр бўлишини айтган эди. Учрашув 13 июнь куни, яъни 18 кундан кейин бўлиб ўтади.
Эслатиб ўтамиз Диего Коста чемпионлар лигаси финалида "Реал"га қарши учрашувда майдонга тушишга таваккал қилган ва ўйиннинг 9-дақиқасида алмаштирилган эди.
